2025 قربات تسالي، وكانت عامرة بزاف دالإصدارات والمفاجآت فالـgaming. ومن بعد ما داز علينا النصف الأول اللي كان فيه بزاف دالإثارة، دابا دخلنا فالنصف الثاني واللي باقا فيه ألعاب غادي تدير البوز بزاف.
ها هما 7 ألعاب اللي كتشعل الحماس وكنسناوها بحرارة فهاد الشهور اللي باقيا من 2025:
🔫 1.
Mafia: The Old Country
- تاريخ الإصدار: 8 غشت 2025
هاد الجزء الجديد كيرجع بينا لعام 1900 فصقلية، مهد المافيا. غادي تلعب بشاب خدام بالسخرة فمناجم، كيضطر يدخل لعالم الإجرام باش يعيش.
اللعبة واعدة من ناحية القصة، وغادي تكون خطية، يعني مركزة بزاف على السرد الدرامي والتفاصيل ديال الشخصية.
🐍 2.
Metal Gear Solid: Snake Eater (ريميك)
- تاريخ الإصدار: 28 غشت 2025
الريميك المنتظر بزاف، كيحكي على بدايات Big Boss فالغابات خلال الحقبة السوفييتية.
اللعبة فيها إخراج سينمائي، جرافيك خيالي بـUnreal Engine 5، وخاصية تغيّر زاوية الكاميرا حسب اختيارك (كلاسيكي ولا جديد).
👻 3.
Silent Hill F
- تاريخ الإصدار: 25 شتنبر 2025
أول لعبة جديدة من السلسلة الأصلية من أكثر من 10 سنين!
الأحداث كاتوقع فـاليابان ديال الستينات، القصة كتركز على فتاة مراهقة وسط بلدة موبوءة، والأجواء النفسية والرعب موجودين بقوة، بلا أسلحة نارية، غير بالـMelee.
🧠 4.
Hell Is Us
- تاريخ الإصدار: 4 شتنبر 2025
أكشن من منظور الشخص الثالث، فدولة فيها حرب ومخلوقات مايمكنش تقتلهم بالأسلحة الكلاسيكية.
اللعبة فريدة من نوعها لأنها بلا خريطة، خاصك تكتاشف بعقلك. القتال ديالها فيه لمسة Souls، ولكن مع صعوبة مرنة.
🗡️ 5.
Crimson Desert
- تاريخ الإصدار: 2025
عالم مفتوح ضخم، RPG، وأكشن قوي.
كتلعب بـKliff، واحد المرتزق اللي كايدوز من بزاف ديال التحديات. الجرافيك والأنيميشن زوينين بزاف، والناس شافو فيها ميكس بين Zelda وAssassin’s Creed وGame of Thrones.
🌀 6.
Little Nightmares 3
- تاريخ الإصدار: 10 أكتوبر 2025
هاد الجزء فيه الجديد بزاف: لأول مرة فيها Co-op بين شخصيتين (Low وAlone)، مع ألغاز وتعاون.
الجو العام باقي مرعب وغامض بحال ديما، ولكن التجربة هاد المرة غتكون أغنى.
⚔️ 7.
Ghost of Yotei
- تاريخ الإصدار: 2 أكتوبر 2025
الجزء الثاني من Ghost of Tsushima، ولكن الأحداث كاتوقع 300 عام من بعد الجزء الأول.
كتلعب بـAtsu، فتاة بغا تنتاقم من “الستة” اللي دمروا حياتها. عالم مفتوح، ثقافة الآينو، وأسلوب فني رهيب بزاف، وحصرية لـPS5.
