خلال حلقة خاصة من State of Play، خذات Ghost of Yotei كل الأضواء، وعطاتنا نظرة معمقة على وحدة من أقوى ألعاب العام. استعرضو فيها القصة، طريقة اللعب، الأسلحة، وحتى الأنشطة الجانبية. وهادشي كلّو كيخلينا متحمسين بزاف للإصدار الكبير اللي غادي يجي فـ2 أكتوبر، حصريًا على PS5.
القصة كتحكي على "آتسو"، شابة باغية تنتقم لعائلتها اللي قتلاتها عصابة خطيرة سميتها Yotei Six. هاد العصابة فيها 6 زعماء، وكل واحد فيهم خاصك تواجهو فالترتيب اللي بغيت. القصة كتدور فـمنطقة "يوتيه"، والناس كيقولو على آتسو أنها "أونريو" — يعني روح غاضبة. مع الوقت، كتولي أسطورة، وكل مرة كتنتاقم كتزيد الشهرة ديالها.
الاستكشاف فـاللعبة ماشي على شكل نقاط على الخريطة، ولكن بالعكس، كيتطلب الفضول والانتباه. مكاين لا GPS لا علامات. آتسو غادي تسترشد بالرياح، أصوات الطيور، وتغيّر لون السما. كل طريق ممكن يوصلك لكنز، مواجهة، ولا مهمة مخبية. وبالطبع، غادي تستعمل نظارات الرؤية باش تحدد لوجهتك وتشوف بعيد.
اللعبة كتقدم 4 أسلحة رئيسية:
الجميل هو أنك تقدر تبدّل بين الأسلحة وسط القتال، وحتى الأعداء يقدرو يسلبوك سلاحك، مما يزيد من التكتيك والتحدي.
من صيد الجوائز ومواجهات الزعماء الجانبيين، إلى مهام الاسترخاء فالينابيع الساخنة وتقطيع البامبو، اللعبة عامرة بالأنشطة. وحتى ظهرت لعبة مصغرة بحال Gwent ديال The Witcher 3، ولكن بالعملات المعدنية.
تقدر تبدل شكل الأسلحة والدروع وتلوّنهم على ذوقك، باش تخلي آتسو تمثلك كيف ما بغيتي.
واحدة من أقوى الخصائص فـاللعبة هي إمكانية التنقّل بين ماضي آتسو وحاضرها بضغطة زر، بفضل قدرات الـSSD. غادي تعيش مع البطلة لحظات الطفولة والمراهقة، وتفهم أكثر دوافعها وشخصيتها.
اللعبة غادي تجي من الأول بواحد من أكثر الأطوار المحبوبة: طور التصوير.
وزادو عليه:
طور Miike: كاميرا قريبة وزيادة فالعنف والدماء
طور Watanabe Mood: موسيقى ملحمية من وحي المخرج الياباني
طور Kurosawa Mood: بحال الفيلم الأبيض والأسود، كيحاكي أسلوب مخرج أفلام الساموراي الكلاسيكيين
تاريخ الإصدار
Ghost of Yotei خارجة نهار 2 أكتوبر 2025، حصريًا على PS5. وكل المؤشرات كتقول أنها غادي تكون وحدة من أبرز ألعاب السنة
واش غادي تجربها من اليوم الأول؟
إلا كنتي من محبّي Ghost of Tsushima، أو كتقلب على قصة انتقام قوية وعالم ياباني ساحر، هادي فرصة ما تتفلتش
