اللعبة المعروفة ديال الرعب والأكشن Resident Evil 4 Remake وصلات لإنجاز كبير، بحيث أعلنت شركة Capcom أنها باعت أكثر من 10 مليون نسخة ديال اللعبة فالعالم كامل، من نهار خرجات فمارس 2023 حتى دابا.
واحد من أنجح الإصدارات فالسلسلة
فأول يومين من الإطلاق، اللعبة باعت 3 مليون نسخة، وفأقل من أسبوعين وصلات لـ4 مليون. هادشي خلاها أسرع لعبة فالسلسلة كتبيع بهاذ السرعة، وحتى من حيث التقييمات خذات علامات زوينة بزاف من اللاعبين والنقّاد.
واش هي أكثر لعبة مبيعا فالسلسلة؟
مازال ما كتفوقاتش على Resident Evil 2 Remake ولا Resident Evil 7 اللي باعو أكثر من 15 مليون نسخة، ولكن راه جات من وراهم مباشرة، متفوقة حتى على Resident Evil 3 Remake.
الربح الكبير لكابكوم
هاد الريميك ساهم بزاف فالأرباح ديال شركة Capcom، خصوصا وأن السلسلة ديال Resident Evil باعت أكثر من 170 مليون نسخة فالمجموع، وداخلة فـ8 مليار دولار ديال الأرباح فالعالم من نهار بدات.
